• 1

    Дзяржаўны літаратурны музей Янкі Купалы

    У кожнага народа ёсць песняры, прарокі, што сілай свайго паэтычнага таленту вызначаюць не толькі шляхі развіцця роднай мовы, літаратуры, культуры, але і фарміруюць нацыянальную самасвядомасць, увасабляюць нацыянальную ідэю, даючы мэту і сэнс існавання не аднаму пакаленню. Яны становяцца сімваламі свайго народа. Для беларусаў такім сімвалам з’яўляецца Янка Купала (1882 – 1942). Дзяржаўны літаратурны музей Янкі Купалы заснаваны 22 мая 1944 года, першых наведвальнікаў прыняў 20 верасня 1945 года. Стваральнікам і першым дырэктарам музея стала жонка Янкі Купалы – Уладзіслава Францаўна Луцэвіч. Ёй належыць вялікая заслуга ў пошуках і захаванні рукапісаў, фотаздымкаў, першадрукаў, асабістых рэчаў пісьменніка і яго саратнікаў. Гэтыя матэрыялы і паклалі пачатак фондавым калекцыям музея. З 1959 года музей знаходзіцца па адрасе вуліца Янкі Купалы ў адмыслова збудаваным будынку на тым месцы, дзе паэт жыў з 1927 па 1941 год у доме, які згарэў у час ІІ Сусветнай вайны. Музей мае 4 філіялы. Старэйшыя – радзіма Янкі Купалы Вязынка і Ляўкі, дзе месцілася дача паэта, – маюць статус мемарыяльнага запаведніка. Мемарыялізаваны Акопы, дзе прайшлі самыя плённыя гады творчасці, і Яхімоўшчына, дзе былі напісаны вершы, што ўвайшлі ў першы зборнік “Жалейка”. Сёння Дзяржаўны літаратурны музей Янкі Купалы – адзін з самых сучасных у Рэспубліцы Беларусь. Трэцяя экспазіцыя “Шляхі” (2014) на новым ўзроўні прадстаўляе Янку Купалу – генія нацыянальнай літаратуры, які сваім словам абуджаў свядомасць беларусаў як нацыі, годных прадстаўнікоў славянскай і сусветнай супольнасці. Выкарыстанне IT-тэхналогій пашырыла інфармацыйныя магчымасці экспазіцыі, паспрыяла стварэнню атмасферы месца і часу, эфекту прысутнасці. Унікальным з’яўляецца ”Галаграфічны тэатр“ – праекцыя рухомай постаці Янкі Купалы, агучаная арыгінальным запісам голасу паэта. Сучасныя літаратурна-дакументальныя экспазіцыі створаны ў Вязынцы (2012) і Ляўках (2015) . Музей сабраў каманду аднадумцаў, аб’яднаных любоўю да беларускага слова, павагай да нашай гісторыі, якімі яны дзеляцца з людзьмі, укладаючы ў справу не толькі веды, але і частку душы. Плён дзейнасці музейнай каманды не застаўся незаўважаны. Музейныя праекты занялі прызавыя месцы на трох Нацыянальных форумах “Музеі Беларусі”: 1- е за дызайн-праект экспазіцыі “Шляхі” (2012), 2-е за выданне каталога “Ты гэтых вачэй не забудзь…” і выставачны праект “Будзь ЯК: Янка Купала і стыль” (2014), а таксама за распрацоўку лічбавага шрыфту “PIASNIAR” на аснове почырку паэта (2016). Шрыфт атрымаў 2-гі прыз і на міжнародным спецыялізаваным форуме па інфармацыйных тэхналогіях TIBO-2015. У 2012 годзе калектыў музея ўзнагароджаны спецыяльнай прэміяй Прэзідэнта Рэспублікі Беларусь дзеячам культуры і мастацтва. У 2017 годзе на Міжнародным конкурсе на лепшы славянскі музей “ŽIVA” (Cлавенія) музей атрымаў прыз у адной з 5 намінацый – “За лідэрства”сярод 23 музеяў з 11 славянскіх краін. Але галоўная ўзнагарода – усмешка і добрае слова тых, хто прыходзіць у Купалаў дом!

    •  
    •  
  • 2

    Інстытут мовазнаўства імя Якуба Коласа Нацыянальнай акадэміі навук

    Інстытут мовазнаўства — навукова-даследчы інстытут у складзе Нацыянальнай Акадэміі Навук Рэспублікі Беларусь у 1929-2007 гадах. У 1929–1935 і 1952–2007 гадах дзейнічаў як Інстытут мовазнаўства, у 1935 – 1952 гадах — як Інстытут літаратуры, мастацтва і мовы. У лістападзе 2007 года аб'яднаны з Інстытутам літаратуры НАНБ у Дзяржаўную навуковую ўстанову "Інстытут мовы і літаратуры імя Якуба Коласа і Янкі Купалы НАН Беларусі".

    •  
    •  
  • 3

    ІП Мохаў В.У. (БП МОВА)

    Вітаю Вас, шаноўныя сябры! Дазвольце пачаць знаёмства з Вамі са словаў свайго прафесійнага дэвіза: Не зразумелі сэнсу слова - Вам дапаможа наша “МОВА”! Чаму менавіта МОВА? Бо, па-першае, МОВА – гэта скарачэнне ад першых двух літар майго прозвішча і імя: МОхаў ВАдзім. Па другое, МОВА – гэта сфера маёй працы і майго захаплення. І, па-трэцяе, "БП МОВА" - мой індывідуальны праект з мэтай аказання паслуг пісьмовага перакладу асабовых дакументаў дзеля натарыяльнага засведчання ў Мінску. Я з'яўляюся натарыяльным перакладчыкам беларускай, нямецкай і англійскай моваў у Мінску. У межах свайго праекту, дзякуючы супрацы з іншымі натарыяльнымі перакладчыкамі, маю магчымасць прапанаваць перакладчыцкія паслугі амаль па большасці распаўсюджаных еўрапейскіх і азіяцкіх мовах. Зарэгістраваны як індывідуальны прадпрымальнік і магу аказваць свае паслугі для кампаній і фізічных асоб. Знаходжуся і працую ў Мінску па адрасе: вул. Герасіменка 3-188. Калі Вам трэба перакласці асабовы дакумент, Вы можаце прыехаць да мяне: з панядзелка па пятніцу з 9.00 да 20.00 (па папярэдняй дамоўленасці). Вы можаце мне тэлефанаваць на нумар +375297709592 ці +375445849689 альбо дасылаць свае лісты на электронны адрас mokhovip@gmail.com ці mova-peraklad@mail.ru з пытаннямі і дакументамі для перакладу штодня з 9.00 да 21.00. Буду рад дапамагчы Вам і абяцаю якасна выканаць Вашу замову, каб Вы засталіся задаволеныя маёй працай! Ласкава запрашаю Вас скарыстацца маімі паслугамі! З павагай, Ваш перакладчык Вадзім Мохаў

    •  
    •  
  • 4

    Школа традыцыйнага мастацтва

    Школа традыцыйнага мастацтва з 2012 года вучыць дарослых i дзяцей беларускiм спевам, танцам i рамёствам. Навучанне дарослых вядзецца па 4ох накірунках: традыцыйнае спеўнае мастацтва (кіраўнік курса – Вікторыя Міхно), беларускі танец (кіраўнік курса – Мікалай Козенка), студыя дызайну нацыянальнага адзення (кіраўнік курса – Вольга Кашкурэвіч), лекцыі па традыцыйныму светагляду і мастацтву. Навучанне дзяцей адбываецца ў дзіцячых і падлеткавых групах . У праграму навучання ўваходзяць спевы, танец, рамёствы, знаёмства са старажытнымі легендамі, казкамі, гульнямі, святкаваньне Калядаў, Масленіцы, іншых святаў традыцыйнага календара, танцавальныя ранішнікі. Беларускамоўнае асяроддзе гарантуецца 🙂 Школа традыцыйнага мастацтва — гэта не толькі сістэма навучання ў азначаных накірунках. У першую чаргу, гэта прывіццё чалавеку каштоўнасцяў, якія тысячы год існавалі на нашай зямлі: захаванне духоўнага і фізічнага здароўя чалавека, традыцыйная сям’я, ашчаднае стаўленне да зямлі, навакольнага асяроддзя, роднай мовы і культурнай спадчыны.

    •  
    •  
  • 5

    Дзіцячы клуб Зорачкі | Садок па сістэме Мантэсоры ў Мінску

    Дзіцячы клуб Зорачкі – гэта творчая, навучальная прастора створаная прафесіяналамі для дзетак ад 1 года і да школы. На працягу дня дзеці займаюцца па спецыяльна распрацаванай праграме, якая ўключае як практычныя заняткі, так і спорт, вольны час, ежу і сон. Наш адукацыйны працэс пабудаваны так, што ў кожнага дзіценка ёсць магчымасць для яго індывідуальнага развіцця. У нас дзеці вучацца быць незалежнымі ў побыце і ў соцыуму, а прафесіянальныя настаўнікі суправаджаюць развіццё кожнага, як асобы. «Дапамажыце мне зрабіць гэта самастойна!» - гэта дэвізам педагогікі Мантэссоры ва ўсім свеце. Абавязак настаўніка суправаджаць дзіцяці ў яго ўнікальным ладзе жыцця і ствараць магчымасці прытрымлівацца яго ці яе асабістага плана. Нашыя педагогі назіраюць і дакументуюць як развіццё дзіцяці так і ход навучання. Яны актыўныя, калі сапраўды патрэбная дапамога, і яны «адступаюць», калі дзіця самайстойна можа выканаць задачу. Дзіця не турбуецца, нават калі памыляецца. Настаўнікі падтрымліваюць і разумеюць як важна дзіценку часам пабыць у самоце і паназіраць за іншымі дзецьмі- гэта таксама частка адукацыйнага працэсу. Наяўнасць спакойнага настаўніка, які заўсёды і імгненна дасяжны, калі ў дзіцяці ёсць тыя ці іншыя пытанні, робіць дзяцей бестурботнымі і ўпэўненнымі. Мы штодня супрацоўнічаем са спецыялістамі розных сектараў, абменьваемся досведам у замежных краінах, і мы заўсёды працягваем вучыцца і паглыбяць веды. Навучанне – гэта вельмі індывідуальны працэс, які доўжыцца на працягу ўсяго жыцця і уключае фізічнае, разумовае, сацыяльнае і інтэлектуальнае развіццё чалавека. Каб адсочваць развіццё, мы пісьмова дакументуем працэс навучання дзіцяці, адсочваючы мову дзіцяці, пазнавальныя здольнасці, рухацельныя і сацыяльныя навыкі. Гэтыя назіранні за развіццём дзіцяці, навучаннем і гульнявымі працэсамі зʼяўляюцца падмуркам як нашых гутарак з бацькамі, так і далейшай асабістай працы з кожным дзіцем. Разам з дзецьмі мы ствараем тэчку з самаробнымі сшыткамі. У іх прадстаўлены малюнкі, самаробныя кнігі па розных тэмах (напрыклад па матэматыцы і іншых навуках), першыя літары і словы, прачытаныя і напісаныя, а таксама больш буйныя самазанятасці і выкананая праектная праца. Удзень з 8 да 19 працуе садок па сістэме Мантэссоры, а ўвечары і на выходных мы ладзім дадтковыя заняткі.

    •  
    •  
  • 6

    Гімназія №23

    Сёння ў гімназіі навучаецца 436 ​​вучняў. Навучальны працэс забяспечваюць 45 педагогаў, сярод якіх настаўнікі вышэйшай і першай кваліфікацыйнай катэгорыі, 1 кандыдат навук, 1 выдатнік адукацыі, 1 магістр педагагічных навук. Наша ўстанова - адзіная ў Рэспубліцы Беларусь дзяржаўная ўстанова адукацыі, якая забяспечвае навучанне кітайскай і англійскай мовам у спалучэнні з выкладаннем прадметаў на беларускай мове. Высокія паказчыкі навучання навучэнцаў гімназіі № 23 пацвярджаюць эфектыўнасць вучэбна-выхаваўчага працэсу і прафесіяналізму работы педагагічнага калектыву. У гімназіі больш за 84% гімназістаў вучацца на "8-10". Удзел і перамогі ў раённых, гарадскіх алімпіядах, творчых конкурсах, навукова-практычных канферэнцыях па даследчай дзейнасці таксама кажуць аб высокай якасці адукацыі ў гімназіі. Сённяшнія выпускнікі гімназіі - заўтра паспяховыя прафесіяналы самых розных абласцей - навукі, адукацыі, бізнесу, палітыкі. Адна з найважнейшых задач гімназіі - стварэнне такой адукацыйнай прасторы, у якой максімальна рэалізуюцца магчымасці кожнага вучня як залог яго паспяховай сацыялізацыі. Сёння гімназія - гэта сусвет, дзе свет дарослых, свет кожнага дзіцяці зліваецца ў адзінае цэлае. Высокія духоўныя і маральныя прынцыпы педагогаў, навучэнцаў, бацькоў ствараюць атмасферу дзяцінства, у якой фарміруюцца якасці вучняў, іх культура, матывацыя да адукацыі, разуменне яго каштоўнасці. Гімназія - гэта тое месца, дзе зараджаецца будучыня Беларусі, дабрабыт будучых пакаленняў.

    •  
    •  
  • 7

    Пачатковая школа №112

    Сярэдняя школа №112 з беларускай і рускай мовамі навучання. На 2018/2019 акадэмічны год набіралі вучняў у першы клас з беларускай моваю навучання.

    •  
    •  
  • 8

    Сярэдняя школа №96

    Сярэдняя школа №96 з беларускай і рускай мовамі навучання. На 2018/2019 акадэмічны год набіраюць вучняў у першы клас з беларускай моваю навучання.

    •  
    •  
  • 9

    Фаланстэр

    Мы некамерцыйная грамадская арганізацыя, якая з дапамогай адкрытых і свабодных, лічбавых і гуманітарных тэхналогій стварае больш аўтаномнае і дынамічнае беларускае грамадства. Нашы мэты: * Пашырыць выкарыстанне свадобнага кода і кантэнта, а таксама жалеза сярод грамадскіх арганізацый, афіцыйных інстытутаў, супольнасцяў і грамадзян. * Узмацніць тэматычныя і лакальныя супольнасці лічбавымі ведамі пра кіраванне сваёй інфраструктурай. * Актуалізаваць гуманітарныя і тэхнічныя веды грамадскіх арганізацый, супольнасцяў і грамадзян для актывізаваць грамадства да больш актыўнага ўдзелу ў прыняцці рашэнняў усіх узроўняў і стварэнні законаў. На сёння мы маем тры асноўныя накірункі дзейнасці: * Вікіфікацыя — накірунак па развіццю сучасных спосабаў медыя асветы для ўсіх, ўмацаванню ведаў на беларускай мове, распаўсюд прынцыпаў самакіравання, а таксама развіццё вікі-супольнасці Беларусi. * Лічбавая майстэрня — гэта дапамога грамадскім ініцыятывам палепшыць іх лічбавую інфраструктуру праз развіццё лічбавага валанцёрства сярод IT-спецыялістаў. * Градка - адкрытыя і свабодныя код і кантэнт у грамадскіх афіцыйных інстытутах, заканадаўстве і сярод грамадзянскай супольнасці. У прасторы: * Мы развіваем вермі-ферму.  

  • 10

    Сярэдняя школа №199

    Сярэдняя школа №199 з беларускай і рускай мовамі навучання. На 2018/2019 акадэмічны год набіраюць вучняў у першы клас з беларускай моваю навучання.

    •  
    •  
  • 11

    Дзіцячая бібліятэка № 8, філіял

    Да паслуг чытачоў абанемент для дзяцей сярэдняга і старэйшага школьнага ўзросту, абанемент для дашкольнікаў і малодшых школьнікаў. Гісторыя бібліятэкі – гэта людзі, якія тут працуюць, іх розум і творчасць, гэта чытачы, іх удзел у жыцці бібліятэкі.

    •  
    •  
  • 12

    Сярэдняя школа №128

    Сярэдняя школа №128 з беларускай і рускай мовамі навучання. На 2018/2019 акадэмічны год набіраюць вучняў у першы клас з беларускай моваю навучання.

    •  
    •  
  • 13

    Сярэдняя школа №151

    Сярэдняя школа №151 з беларускай і рускай мовамі навучання. На 2018/2019 акадэмічны год набіраюць вучняў у першы клас з беларускай моваю навучання.

    •  
    •  
  • 14

    Сярэдняя школа №179

    Сярэдняя школа №179 з беларускай і рускай мовамі навучання. На 2018/2019 акадэмічны год набіраюць вучняў у першы клас з беларускай моваю навучання.

    •  
    •  
  • 15

    Дзіцячая бібліятэка № 8

    Дзіцячая бібліятэка № 8 была адчынена ў верасні 1973 года. Знаходзілася яна ў жылым доме па вуліцы Кахоўскай. Гэта была звычайная 3-х пакаёвая кватэра, агульнаю плошчаю 55,65 кв. м. Калектыў быў невялікі – два чалавекі, але гэта не замінала якасна абслугоўваць чытачоў, праводзіць масавыя імпрэзы супольна са школамі і ўстановамі культуры. З 1979 года бібліятэка ўваходзіць у склад ГУ «Цэнтралізаваная сістэма дзіцячых бібліятэк горада Мінска». У 1985 годзе бібліятэка пераехала ў іншае памяшканне па вуліцы Э. Пашкевіч, 9/2, дзе знаходзіцца і сёння. Да паслуг чытачоў абанемент для дзяцей сярэдняга і старэйшага школьнага веку, абанемент для дашкольнікаў і малодшых школьнікаў, філіял. Фонд бібліятэкі налічвае каля 40 тыс. дакументаў: мастацкая літаратура, літаратура па розных галінах ведаў, электронныя рэсурсы, перыядычныя выданні беларускіх і расійскіх выдавецтваў для розных узроставых груп. Бібліятэка з'яўляецца цэнтрам праўнай інфармацыі. Гісторыя бібліятэкі – гэта людзі, якія тут працуюць, іх розум і творчасць, гэта чытачы, іх удзел у жыцці бібліятэкі.

    •  
    •  
  • 16

    Сярэдняя школа №56

    Сярэдняя школа №56 з беларускай і рускай мовамі навучання. На 2018/2019 акадэмічны год набіраюцца вучні у першы клас з беларускай моваю навучання.

    •  
    •  
  • 17

    Гімназія №9

    Гісторыя гімназіі: 1964 год – заснавана сярэдняя школа № 93 1991 год – атрыманы статус гімназіі № 93 з беларускай мовай навучання і з паглыбленым вывучэннем англійскай мовы і нямецкай мовы на базавым узроўні 1998 год – прысвоены парадкавы нумар гімназія № 9 2006 год – перайменаванне ў дзяржаўную ўстанову адукацыі “Гімназія № 9 г. Мінска” 2006 год – адкрыццё класаў з агульнаэстэтычным накірункам 2011 год – атрыманне сертыфіката аб дзяржаўнай акрэдытацыі ўстановы адукацыі на адпаведнасць заяўленаму віду 2016 год – атрыманне сертыфіката аб дзяржаўнай акрэдытацыі ўстановы адукацыі на адпаведнасць заяўленаму віду Профільнае навучанне У 2017/2018 навучальным годзе на III ступені (11 клас) агульнай сярэдняй адукацыі ў гімназіі ажыццяўляцца профільнае навучанне па філалагічным накірунку. У рамках профільнага навучання вывучаюцца на павышаным узроўні вычэбныя прадметы "Беларуская мова" і "Англійская мова". Асаблівасці арганізацыі адукацыйнага працэсу: Выкладанне ўсіх прадметаў на беларускай мове; Вывучэнне англійскай мовы з 1-га класа; Магчымасць вывучэння другой замежнай мовы (польскай) з 2-га класа; Факультатыўныя заняткі па запытах вучняў і іх законных прадстаўнікоў; Заняткі музычнай накіраванасці (ігра на фартэпіяна, баяне, акардэоне, цымбалах); Гурткі “Тэатр моды”, “Музейная справа”; Заняткі ў спартыўных секцыях (спартыўныя гульні, агульнафізічная падрыхтоўка з элементамі футбола, валейбола, баскетбола); Група падоўжанага дня з 12.00 да 18.00.

    •  
    •  
  • 18

    Курсы польскай мовы Polski.pro

    Прафесійныя педагогі-філолагі, з багатым вопытам і досведам выкладання польскай мовы як іншаземнай, у цікавай і даступнай форме навучаць вас размаўляць па-польску і дасягнуць пастаўленай мэты. Нашы плюсы: - У нас толькі міні-групы (да 6 асоб) альбо індывідуальныя заняткі. - Мы заўсёды накіраваны на рэзультат - ад атрымання Карты Паляка да паступлення ў польскія ВНУ - Добра абсталяванны клас: Wi-Fi, метадычная літарутара і падручнікі, камп'ютар і ішныя прыемныя дробязі - Толькі 5 хвілін пешшу ад метро "Пушкінская" - Дапамога і падтрымка студэнтаў пасля заканчэння курсаў Нашы курсы: - Агульны курс польскай мовы (з А0 да С1) - Курс польскай мовы на Карту Поляка - Курс польскай мовы для паступлення ў польскія ВНУ і здачы сертыфікацыйных тэстаў - Курс польскай мовы для вучняў школ Школа працуе ад 2011 года.

  • 19

    АртФактар

    Назва ўсяго нашага педагагічнага праекту - АРТФАКТАР. Фактар Творчасці існуе ўнутры кожнага з нас, ён правакуе і патрабуе ад нас творчасці ў розных яе праявах, пры пэўных умовах, пры адпаведных настройках ён можа раскрыць нас, здзівіць, узбадзёрыць і ўзмацніць, з яго дапамогай мы здольныя ажыццяўляць неверагодныя, нечаканыя, натхняльныя і захапляльныя рэчы. АРТФАКТАР майстар-класы і трэнінгі Андрэя Саўчанкі (выкладае акторскае майстэрства з 1997 года. Актор, рэжысер, выкладчык Акадэміі мастацтваў) для каго: акторам, бізнэсоўцам, дзецям, цікавым і цікаўным людзям дзе: Менск (студыя Free Voice на Куйбышава,22 і студыя "Музычны Квартал" на Чапаева,3) калі: з 2013 пастаянна працуюць групы розных праграмаў і ідзе набор у ніжэйназваныя групы) АРТФАКТАР дапаможа пачынаючым акторам і рэжысёрам зрабіць практычныя першыя крокі, "панюхаць пораху", ці падрыхтавацца да паступлення ў тэатральную ВНУ (праграмы "Мастацтва Актора" і "Партал у Тэатр"); бізнэсоўцам, кіраўнікам, мэнэджэрам, публічным асобам і іншым людзям пазбавіцца ад заціскаў і комплексаў, эфектыўна самапрэзентавацца, пашырыць свае здольнасці наконт камунікатыўнасці, а таксама прадуктыўна рыхтавацца, праводзіць публічныя выступы і пакідаць добрае ўражанне ў партнёраў пасля сустрэчы (праграмы "Культ Асобы, Індывідуальнасці і Камунікабельнасць." і "Эфектыўны публічны выступ, альбо King's Speech"); дзецям зачаравацца тэатрам (праграмы "Арт-Вандроўка" для розных узростаў); і прафесійным акторам трымаць сябе ў форме і павялічваць свой узровень (праграмы "Пачуццё імправізацыі", "Праца над вобразам","Методыка стварэння монаперформанса", "Вербацім. Дакументальны спектакль", "Японскія Хайку як метад існавання актора на сцэне", а таксама ў летні час - выяздныя майстар-класы на прыродзе - хутар у лесе - вёска Чанавічы, Нясвіжскі раён, Менская вобласць. Праграмы: "Актор і Прырода", "Беларуская міталогія", "Рытуал як спосаб існавання").

  • 20

    Мова Нанова

    МОВА НАНОВА – бясплатныя курсы беларускай мовы. Існуюць са студзеня 2014 года. Запачаткаваныя ў Менску філолагам Алесяй Літвіноўскай і журналістам Глебам Лабадзенкам. У лістападзе 2014 года курсы атрымалі дзяржаўную рэгістрацыю як “Сацыяльна-культурная ўстанова развіцця беларускай мовы і культуры “Мова Нанова”. Назва курсаў тлумачыцца проста. Многія беларусы кажуць, што беларуская – іх родная мова. Пры гэтым не зусім добра ці зусім нядобра ведаюць яе. Гэтае словазлучэнне “родная мова” вельмі часта ўводзіць у зман нас саміх. Час прызнацца, што нам пара вучыць беларускую мову нанова! Такія прыклады – калі народ адраджаў паўзабытую мову – ёсць у гісторыі, і яны натхняюць! Канцэпцыя курсаў – неакадэмічнае вывучэнне мовы. То бок, уся інфармацыя – лексіка і граматыка – падаецца праверанай і пісьменнай. Але робіцца гэта ў інтэрактыўных формах, цікава і нязмушана. Прынцыповы момант: ніякай палітыкі на занятках, курсы па-за палітыкай. Кожныя заняткі маюць некалькі ўмоўных рубрык – Слоўнік, Граматыка, Цікавінкі ды г.д. Матэрыялы, выкладзеныя тут, простыя для разумення, вывучэння і навучання.

    •  
    •  
  • 21

    Гімназія №28

    У маляўнічым кутку недалёка ад рэчкі Свіслач з паэтычнай назвай Серабранка вось ужо 40 год існуе наша родная сярэдняя школа №2, зараз гімназія №28, у якой працуе калектыў аднадумцаў, які імкнецца замацаваць родную мову, родную культуру, выхаваць сапраўдных грамадзян сінявокай Беларусі. З 1975 па 1993г. дырэктарам школы быў Фінкевіч Валянцін Канстанцінавіч. З 2009г. дырэктар гімназіі №28 - Лазоўская Ніна Аляксандраўна. За сорак год з гімназіі выйшла больш двух тысяч выпускнікоў, якіх можна сёння знайсці ў розных кутках нашай краіны на самых розных пасадах. З 1991 года наша гімназія стала беларускамоўнай. Усе прадметы вывучаюцца на роднай мове. Традыцыйнымі сталі тыдні беларускай пісьменнасці і культуры, падарожжы па родным краі, знаёмства з побытам, традыцыямі, гісторыяй роднай зямлі, сустрэчы з беларускімі дзеячамі літаратуры і мастацтва, такімі як І. Шамякін, Н. Гілевіч, Р. Барадулін, К. Тарасаў, В. Іпатава, В. Зуёнак, А. Камоцкі, ансамбль “Свята” і многія іншыя. Гэтыя сустрэчы дапамагаюць моладзі зразумець свае вытокі, свае карані, адчуць, хто мы і адкуль мы, што з’яўляецца надзвычай актуальным у наш складаны час. З 1995 года школе № 2 быў нададзены статус школы з паглыбленым вывучэннем замежных моў (французская, англійская). Паглыбленае вывучэнне замежных моў дало магчымасць наладзіць цесныя сувязі з Францыяй, якія доўжацца ўжо каля дзесяці год. У 2008 годзе школа №2 атрымала статус гімназіі. Вучні школы маюць магчымасць два разы ў год наведаць Францыю, што садзейнічае пашырэнню іх моўнай практыкі, развіццю іх кругагляду. Падчас падарожжа ў Францыю дзеці знаёмяцца з еўрапейскімі сталіцамі, гуляюць па вуліцах Варшавы і Прагі, Берліна і Парыжа. Вучні набываюць не толькі моўную практыку, але і знаёмяць сваіх французскіх сяброў з беларускай культурай, нашымі звычаямі, традыцыямі. Гэта выклікае цікавасць у французаў, яны прыязджаюць да нас. Вучацца ў нашай гімназіі не толькі дзеці з мікрараёна Серабранка, але і едуць да нас здалёк, з Уручча, з Малінаўкі, з Сухарава і іншых мікрараёнаў горада.

    •  
    •  
  • 22

    Golden Kids Camp

    Паважанае спадарства! Рады прапанаваць вашай увазе білінгуальны ангельска-беларускі летнік для дзетак ад 8 да 17 год уключна. Узяўшы за ідэю еўрапейскую ўніверсітэцкую сістэму навучання, мы распрацавалі ўнікальны для Беларусі праэкт. Перш за ўсё, за аснову ўзялі ангельскую мову, на якой будзем выкладаць розныя дысцыпліны. Заняткі распрацаваны так, каб гэта было весела і цікава. Дзеткі ўдзельнічаюць ў займальных эксперыментах і цікавых семінарах\дэбатах. Прадметы выкладаюць студэнты-замежнікі па свайму профілю, а так сама беларускія выкладчыкі. Не забываем і пра граматыку. За мэту ставім сабе навучыць дзетак межнацыянальнаму дыялогу. Другая палова праэкту, не менш важная. Сучасная адукацыя выкідвае беларускаю мову па за межы жыцця вучня, вылучаючы ей усяго некалькі гадзін на тыдзень. Мы ў корне не згодны з гэтым становішчам. Наша мэта - прывіць любоў да роднай мовы і культуры, паказаць яе прыгажосць і значнасць валодання роднай мовай. Прадметы выкладаюць беларускія студэнты і аматары беларускай культуры і гісторыі. Мы выбудоўваем стасункі з вучнямі на роўных. На нашу думку, настаўнік перш за ўсё вінен стаць сябрам. Мы адкрыты для любых ідэй і пажаданняў. Вучні ў стане самастойна прапанаваць тэмы дадатковых заняткаў ці імпрэз. Ў якасці дадатка, робім заняткі на нямецкай мове. Выкладчыкі - носьбіты нямецкай мовы. І гэта яшчэ не ўсё! Спартыўныя гульні, творчыя вечарыны, танцы і спевы, і шмат іншых цікавостак! А у якасці справаздачы - фінальны канцэрт для бацькоў. Далучайцеся, будзе цікава!

    •  
    •  
  • 23

    Сярэдняя школа №72

    Сярэдняя школа №72 з беларускай і рускай мовамі навучання. Прымаюць вучняў першых класаў. Дзяржаўная ўстанова адукацыі «Сярэдняя школа №72 г. Мінска» была створана ў 1961 годзе як школа з паглыбленым вывучэннем ангельскай мовы.

    •  
    •  
  • 24

    Гімназія №4

    Дзяржаўная ўстанова адукацыі “Гімназія № 4 г.Мінска” Адной з першых школ сталічнага мікрараёна “Кунцаўшчына” расчыніла дзверы сярэдняя школа № 198 з беларускай мовай навучання. Першым дырэктарам была прызначана Аляксеева Людміла Станіславаўна, настаўніца беларускай мовы і літаратуры. Старонкі гісторыі: 1 снежня 1990 года - адкрыццё сярэдняй школы № 198. 1991 год – сярэдняя агульнаадукацыйная школа № 198 перайменавана ў гімназію № 198. 1996 год - гімназія № 198 перайменавана ў Мінскую беларускую нацыянальную гімназію № 4. 1997 год - дырэктарам гімназіі № 4 прызначаны Бандарэнка Юрый Міхайлавіч. 2008 год – педагагічны калектыў гімназіі прайшоў акрэдытацыю. 2010 год – установа адукацыі перайменавана ў ДУА “Гімназія № 4 г.Мінска”. 2014 год – педагагічны калектыў гімназіі прайшоў акрэдытацыю. 2016 год - дырэктарам гімназіі прызначаны Андрэй Міхайлавіч Гоцман. За 26 гадоў існавання пройдзены вялікі шлях у развіцці культурна-адукацыйнай прасторы гімназіі. Гартаючы старонкі гістарычнага календара, прыходзіш да высновы, што на сённяшні дзень гімназія № 4 займае лідыруючыя пазіцыі ў Фрунзенскім раёне и г.Мінску. Адметнай рысай гімназіі з’яўляецца выкладанне ўсіх прадметаў на беларускай мове. З 1 класа вывучаецца англійская мова. Разам з тым, вучням прадастаўляецца магчымасць дадаткова вывучаць нямецкую, французскую, чэшскую, польскую як другую замежную. На трэцяй ступені навучання ажыццяўляецца дыферэнцыяцыя па фізіка-матэматычным, філалагічным (беларуская мова і літаратура і замежная [англійская] мова) профілях.

    •  
    •  
  • 25

    Клуб Шахматны дом

    Шахматны дом – гэта школа шахмат і шашак, а таксама клуб як для юных, так і для дарослых аматараў шахмат. Нашая мэта – аб’яднаць усе ўзросты пад адным дахам нашага дома. Напрамкі працы клуба: Заняткі для дзяцей. Навучанне дзяцей шахматам з 3 год і старэйшых і шашкам з 5 год і старэйшых - з нуля і да прафесійнага ўзроўню. Заняткі і гульнявы час для дарослых. Першы ў Менску клуб для дарослых, дзе можна паглыбіць свае шахматныя веды ці проста выдатна бавіць час за любімай гульнёй. Правядзенне турніраў. Аматарскія шахматныя турніры для гульцоў рознага ўзроўня падрыхтоўкі. Бліц, хуткія шахматы, класіка. Рэгулярныя прафесійныя турніры для шахматыстаў-спартоўцаў усіх узростаў. Набор у навучальныя групы адкрыты ўвесь год, прыйсці пагуляць можна штодзённа, турніры - кожныя выходныя, а часам і па працоўных вечарох.

    •  
    •  
  • 26

    Сярэдняя школа №60

    У 1992 г. СШ №60 г. Мінска атрымала статус беларускамоўнай. 3 1993 г. існуе дамова аб супрацоўніцтве паміж СШ № 60 і БДУІіР (фізіка-матэматычны профіль). У 1994 г. заключана дамова аб супрацоўніцтве з БДПУ імя М.Танка (філалагічны профіль). 3 1999 года у СШ № 60 пачаў працаваць агульнаэстэтычны кірунак. На сенняшні момант у школе пленна працуюць музычная накіраванасць, шматлікія гурткі, клубы, музей, творчыя і грамадскія аб'яднанні.

    •  
    •  
  • 27

    Гімназія №14

    Місія Дзяржаўнай установы адукацыі "Гімназія № 14 г. Мінска" - стварэнне якаснага адукацыйнага асяроддзя для развіцця індывідуальных здольнасцей навучэнцаў. Гімназія №14 г. Мінска – гэта 557 навучэнцаў: І ступень – 267 навучэнцаў ІІ ступень – 233 навучэнцы ІІІ ступень – 57 навучэнцаў 24 класы 6 груп падоўжанага дня Асаблівасці профільнай адукацыі: Фізіка-матэматычны профіль (Х клас, 1 група - 7 навучэнцаў) Філалагічны профіль (беларуская мова і англійская мова) (Х клас, 2 група - 13 навучэнцаў) Хіміка-біялагічны профіль (Х клас, 3 група - 7 навучэнцаў) Фізіка-матэматычны профіль (ХІ клас, 1 група - 9 навучэнцаў) Філалагічны профіль (беларуская мова і англійская мова) (ХІ клас, 2 група - 21 навучэнец) Вывучэнне англійскай мовы з I класа. Вывучэнне карэйскай мовы на занятках па інтарэсах. Заняткі па плаванні на ўроках фізічнай культуры і здароўя, факультатыўных занятках. Гімназія прапануе навучэнцам: - прадметныя факультатыўныя заняткі - факультатыўныя заняткі музычнай і мастацкай накіраванасці - аб'яднанні па інтарэсах - спартыўныя секцыі

    •  
    •  
  • 28

    Сярэдняя школа №168

    Сярэдняя школа №168 з беларускай і рускай мовамі навучання. На 2018/2019 акадэмічны год набіраюцца вучні у першы клас з беларускай моваю навучання.

    •  
    •  
  • 29

    Сярэдняя школа №190

    Наша школа № 190 з’яўляецца школай з беларускай і рускай мовай навучання. I ступень агульнай сярэдняй адукацыі (I - IV класы) Тэрмін навучання - 4 гады (для асоб з асаблівасцямі псіхафізічнага развіцця - 4-5 гадоў) вывучэнне вучэбных прадметаў на базавым ўзроўні; падтрымліваючыя і стымулюючыя заняткі; 3 1 класа дадаткова да базавага плана вывучаецца: харавы клас; прадугледжаны дадатковыя адукацыйныя паслугі для больш поўнага раскрыцця індывідуальных здольнасцей вучняў у рабоце школы па асобасна-арыентаванаму навучанню; сальфеджыа; індывідуальныя заняткі па навучанню ігры на музычных інструментах; вакальныя ансамблі; інструментальныя ансамблі; аркестровы клас; танцавальныя і харавыя калектывы; "Развіцце творчых здольнасцей"; Замежная мова; Танцавальны гурток "Жарт"; Камп'ютарная грамата. II ступень агульнай сярэдняй адукацыі (Х-І Х класы) Тэрмін навучання - 5 гадоў вывучэнне вучэбных прадметаў на базавым ўзроўні; факультатыўныя заняткі прыродазнаўча-матэматычнай, гуманітарнай, грамадазнаўчай, экалагічнай, спартыўнай і іншай накіраванасці; падтрымліваючыя і стымулюючыя заняткі; індывідуальныя заняткі па навучанню ігры на музычных інструментах; вакальныя ансамблі; інструментальныя ансамблі; аркестр; танцавальныя і харавыя калектывы; дадатковыя адукацыйныя паслугі: замежная мова; танцавальны гурток "Жарт" ; камп'ютарная грамата; гурткі прыродазнаўча-матэматычнай накіраванасці III ступень агульнай сярэдняй адукацыі (X- XI класы) Тэрмін навучання - 2 гады вывучэнне вучэбных прадметаў на базавым ўзроўні; факультатыўныя заняткі прыродазнаўча-матэматычнай, гуманітарнай, грамадазнаўчай экалагічнай, спартыўнай і іншай накіраванасці; падтрымліваючыя і стымулюючыя заняткі; прафесійная падрыхтоўка вучняў на базе дзяржаўнай установы адукацыi "Сярэдняя школа №76"; дадатковыя адукацыйныя паслугі: замежная мова; танцавальны гурток "Жарт"; камп'ютарная грамата; гурткі прыродазнаўча-матэматычнай, гуманітарнай, грамадазнаўчай накіраванасці. Адукацыйны працэс пры навучанні на I , II і III ступенях агульнай сярэдняй адукацыі арганізуецца ў рэжыме шасцідзённага школьнага тыдня, які ўключае пяцідзённы навучальны тыдзень і адзін дзень для правядзення з вучнямі спартыўна-масавых, фізкультурна- аздараўленчых і іншых выхаваўчых мерапрыемстваў. Вучэбныя заняткі ў навучальным годзе здзяйсняюцца з 1 верасня па 29 мая. У школе: Заключана пагадненне аб узаемным супрацоўніцтве з Першамайскiм раённым аддзелам па надзвычайных сiтуацыях.

    •  
    •  

А яшчэ ў выглядзе дадатку для мабільных дэвайсаў
+ агучаныя размоўнікі!