Чаму нельга крытыкаваць мову

Зірнём праўдзе ў вочы! Да чаго прывяла крытыка "чысціні" беларускай мовы?

  • Меней чым за адно пакаленне мова амаль знікла ў гарадах.
  • Цяжка загаварыць па-беларуску з-за боязі "памылак" і нежадання выглядаць смешна.
  • Ці магчыма пстрыкнуць пальцамі і пачаць размаўляць правільна?
  • Кожны "крытык-мовазнаўца", які сам па-беларуску не размаўляе, чамусьці лічыць сваім абавязкам зрабіць заўвагу наконт кожнага "няправільнага" слова.
  • Людзі ў вёсках імкнуцца размаўляць па-руску, каб выглядаць "больш салідным".

Што рабіць?

  • ПЕРАСТАЦЬ АЦЭНЬВАЦЬ МОВУ!
  • Адукаваць таго, хто прывык "жыць на аўтамаце" і кіруецца дурнымі забабонамі!
  • Не акцэнтаваць увагі на індывідуальных асаблівасцях маўлення!
  • Усвядоміць, што кожнае ўжытае беларускае слова набліжае нас да беларускасці!
  • Прызнаць, што аніводная мова ў свеце не гучыць бездакорна "чыста"!
  • Падтрымліваць імкненне людзей размаўляць па-беларуску!

Вы знайшлі арганізацыю на SAY.BY, а там вам адказалі па-руску?

  • Не трэба злавацца! Не трэба пакідаць скаргі ў Кнізе скаргаў і прапаноў, пісаць каментары на сайтах і ставіць дрэнныя адзнакі!
  • Любыя каментары, звязаныя з крытыкай мовы, будуць выдаляцца!
  • Не пачулі аніводнага беларускага слова? Пішыце ліст на электронны адрас say@say.by
  • Мы звяжамся з кіраўніцтвам арганізацыі і дапаможам з беларускамоўным суправаджэннем яе дзейнасці.
  • Варта разумець, што можа быць пэўная прычына, чаму так здарылася! Зрэшты, вам проста магло не пашанцаваць!
  • Магчыма, арганізацыя толькі пачынае падтрымліваць мову і памылкі супрацоўнікаў маюць часовы характар?
  • Чым больш людзей будзе наведваць месцы, дзе нас могуць абслужыць па-беларуску, тым больш эфектыўнай будзе падтрымка мовы!
  • Мы ўсе толькі пачынаем вяртаць жывую мову ў нашу паўсядзённую камунікацыю, дык давайце дапамагаць адзін аднаму!

ХОПІЦЬ КРЫТЫКАВАЦЬ МОВУ!


А яшчэ ў выглядзе дадатку для мабльных дэвайсаў!